အပင်ကိုင်းဖြတ်ပုံသွင်းခြင်း
သရက်ပင်များကို မှန်ကန်သော ကိုင်းဖြတ်ပုံသွင်းနည်းများ ဆောင်ရွက်ခြင်းအားဖြင့် ပင်ပိုင်းကြီးထွားခြင်း၊ ပုံမှတ်သီးထွက်နှုန်းရရှိနိုင် ခြင်းနှင့် အသီးအရည်အသွေးကောင်းမွန်စေနိုင်သည်။
သရက်သီးထွက်ရရှိနေသော အပင်တစ်ပင်လုံး အလင်းရောင်မျှတစွာရရှိစေရန် ၊ လေဝင်လေထွက် ကောင်းစေရန်နှင့် အသီးကိုင်းများ ညီညာစွာ ဖြာထွက်စေရန် အသီးခူးပြီး နောက်ပိုင်း ခေါင်နှိမ်ခြင်း လုပ်ငန်းကို ဆောင်ရွက်သင့်သည်။
- စိုက်ပျိုးထားသည့် သရက်သီးနှံ၏ ပင်ကြား ၊ တန်းကြားအကွာအဝေးနှင့် သင့်လျော်သော ကိုင်းဖြတ်နည်းစနစ်များကို အသုံးပြုရမည်။
- အပင်အနေအထားကို ကြည့်၍ နေရောင်ခြည် ကောင်းစွာ ရရှိနိုင်ရန် ထိပ်ဖွင့်ခြင်းကို ယေဘူ ယျအားဖြင့် ဆောင်ရွက်ရမည်။
- အပင်ကြပ်ခြင်းများ မဖြစ်ပေါ်စေရန် အပင်၏အမြင့်မှာ ပင်ကြား ၊ တန်းကြား အကွာအဝေး၏ ၆၀ ရာခိုင်နှုန်းထက်မပိုသင့်ပေ။
- အပင်အုပ်ဆိုင်းမှုမှာလည်း တန်းကြားအကွာအဝေး၏ ၄၅ ရာခိုင်နှုန်းထက် မပိုသင့်ပေ။
- သရက်ပင်ကိုင်းဖြတ်ပုံသွင်းခြင်းလုပ်ငန်းကို အပင်ငယ်စဉ်နှင့် အသီးယူကာများတွင် စနစ်တကျ ပြုလုပ်သင့်ပါသည်။
ပေါင်းမြက်ကာကွယ်ခြင်း
စီးပွားရေးတွက်ချေကိုက်ရန်နှင့် ပတ်ဝန်းကျင် ရေရှည်တည်တံ့နိုင်စေရန် အတွက် ပေါင်းမြက်များကို နှိမ်နင်းပေးရန် လိုအပ်သည်။
- ပေါင်းသတ်ဆေးများကို တစ်နှစ်တစ်ကြိမ်ထက် ပို၍ အသုံးမပြုရပါ။
- ပေါင်းအမျိုးအစားကိုလိုက်၍ သင့်လျော်သော ပေါင်းသတ်ဆေးကို ရွေးချယ်အသုံးပြုသင့်ရမည်။
ရေသွင်းခြင်း
သရက်သီးနှံအတွက် စိုက်ပျိုးမြေမျက်နှာပြင်အနေအထားနှင့် ကိုက်ညီသော ရေသွင်း နည်းစနစ်များကို အသုံးပြုရမည်။
- သရက်သီးနှံ၏ လိုအပ်ချက်အရ အစာရေဖျော်ကျွေးခြင်းနှင့် ရေသွင်းခြင်းများကို ပြုလုပ်ရမည်။
- သီးနှံရေလိုအပ်ချက်၊ ရေထိန်းထားနိုင်မှု စွမ်းအားနှင့် မူတည်၍ ထည့်သွင်းရမည့် ရေပမာဏတွက်ချက်ရမည်။
- သရက်ပင်များသည် အသီးကြီးထွားချိန်ကာလ အထူးသဖြင့် သီးကင်းရမည့် ရေပမာဏတွက်ချက်ရမည်။
- သရက်ပင်များသည် အသီးကြီးထွားချိန်ကာလ အထူးသဖြင့် သီးကင်းဝင်ပြီး (၄) ပတ် မှ (၆) ပတ် ကြားကာလများသည် ရေအလိုအပ်ဆုံးအချိန်ဖြစ်သည်။
- မြေအမျိုးအစားကို လိုက်၍ အပင်ငယ်များ (၁၂ နှစ်သား) အတွက် နွေရာသီတွင် (၂) ပတ်တစ်ကြိမ် ရေပေးသွင်းရမည်။ အသီးယူနေသော အပင်ကြီးများ အတွက် ပန်းဖူးစုံသည်မှ ခူးဆွတ်ရန် (၂) ပတ် အလိုအထိ (၃-၅) ကြိမ် ခန့် ရေပေးသွင်းရမည်။
သရက်စိုက်ခင်းရေပေးသွင်းရာတွင်
- ပထမအကြိမ်ရေပေးသွင်းခြင်းကို သရက်သီးကင်းဝင်ချိန်တွင် ဆောင်ရွက်ပါ။
- ဒုတိယအကြိမ် ရေပေးသွင်းခြင်းကို ပထမအကြိမ်ရေပေးသွင်းပြီး (၁) လ အကြာ သရက်သီးကင်း ပေသီးလုံးအရွယ်ဖြစ်ချိန်တွင် ဆောင်ရွက်ပါ။
- တတိယအကြိမ် ရေပေးသွင်းခြင်းကို သရက်သီး မရင့်ခင်အချိန် (ဒုတိယအကြိမ် ရေသွင်းပြီး ၂၀ – ၃၀ ရက်အတွင်း) တို့တွင် ဆောင်ရွက်ရမည်။
သို့မှသာ သရက်သီးအရွယ်အစား၊ အရည်အသွေး မှန်ကန်စေမည်။
သရက်ပန်းပွင့်ချိန်နှင့် သရက်သီးမဆွတ်ခူးမီ (၁) လ အလိုတွင် ရေသွင်းခြင်း မပြုလုပ်ရပါ။
ရေကိုခြွေတာပေးနိုင်သည့် အစက်ချရေသွင်းစနစ်နှင့် ရေမှုန်ဖျန်းသည့် စနစ်ကို အသုံးပြုနိုင်သည်။
- စိုက်ခင်းရေသွင်းရန် အသုံးပြုမည့် ရေသိုလှောင်ကန်များ ၊ မရိတ်သိမ်းမီနှင့် ရိတ်သိမ်းပြီး နောက်ပိုင်းလုပ်ငန်းစဉ်များ ဆောင်ရွက်ရာတွင် အသုံးပြုမည့် ရေသိုလှောင်ကန်များသည် တိရစ္ဆာန်များ မဝင်ရောက်စေရ။
မြေသြဇာကျွေးခြင်း
သရက်သီးနှံ ရေရှည်စိုက်ပျိုးထုတ်လုပ်မှုအတွက် မြေကြီးထဲတွင် လုံလောက်သည့် အာဟာရဓါတ်ရှိရ မည်။
- လူနှင့် ပတ်ဝန်းကျင်ကို အန္တရာယ် မဖြစ်စေပြီး မှတ်ပုံတင်ထားသည့် မြေသြဇာများကိုသာ အသုံးပြုရမည်။
- မြေသြဇာသုံးစွဲခြင်းနှင့် ဆက်စပ်သည့် သီးနှံစိုက်ပျိုးရေးမှတ်တမ်းများ ထားရှိရမည်။
မြေသြဇာနှုန်းထား
သရက်ပင်တွင်ထည့်သွင်းရမည့် မြေသြဇာနှုန်းထားသည်
- မြေအမျိုးအစား ၊ မြေကြီးထဲတွင်ရှိသောအာဟာရဓါတ်
- အရွက်နှင့် မြေဆီလွှာ ဓါတ်ခွဲစမ်းသပ်စစ်ဆေးမှုရလဒ်၊
- အပင်၏ ကြီးထွားမှုဖြစ်စဉ်တို့ပေါ် မူတည်သည်။သို့မှသာ ထည့်သွင်းရမည့် မြေသြဇာနှုန်းထား ကို မှန်ကန်စွာ ဆုံးဖြတ်ပေးနိုင်မည်။
ထည့်သွင်းရမည့်အချိန်
မြေသြဇာကို (သရက်ပင်များ) စတင်စိုက်ပျိုးထားသည့်အချိန်မှစ၍ မြေသြဇာစနစ်တကျထည့်သွင်းခြင်း လုပ်ငန်းကို ဆောင်ရွက် သင့်သည်။
- အသီးမသီးသေးသည့် အပင်ဖြစ်ပါက အကြိမ်ကြိမ်အလီလီခွဲ၍ ထည့်သွင်းပါ။သို့မှသာ အာဟာ ရဓါတ်ဆုံးရှုံးမှုကို ရှောင်ရှားနိုင်မည်။
- အသီးသီးသည့် အပင်များတွင် အသီးဆွတ်ခူးပြီးချိန်၊နောက်ဆုံးရေပေးသွင်းသည့်အချိန်နှင့် မိုး နောင်းရာသီတို့တွင် မြေသြဇာထည့်သွင်းသင့်ပါသည်။
ထည့်သွင်းရမည့်မြေသြဇာအမျိုးအစား
သရက်သီးခူးဆွတ်ပြီးချိန်တွင်
-နိုက်ထရိုဂျင်နှင့် ကယ်လ်ဆီယမ်ပါဝင်သည့် မြေသြဇာကို ထည့်သွင်းပါ။
– သရက်သီးခူးဆွတ်ပြီး (၄) ပတ်မှ (၆) ပတ်အကြာတွင် ဖော့စဖရပ်စ် မြေသြဇာကို ထည့်သွင်းပါ။
ပန်းမပွင့်ခင် (၁) လအလိုတွင် ပိုတက်စီယမ်၊ မဂ္ဂနီဆီယမ်နှင့် ဘိုရွန်မြေသြဇာများကို ထည့်သွင်းပါ။
အရွက်သစ်ထွက်ချိန်တွင် ကြေးနီ၊ သံဓါတ်၊ မဂ္ဂနီးစ်၊ သွပ်၊ မော်လီဘဒီနမ်တို့ကို ရွက်ဖျန်းမြေသြဇာအနေနှင့် အသုံးပြုပါ။
မြေသြဇာထည့်သွင်းရမည့်နေရာ
- သရက်ပင်များတွက် အာဟာရဓါတ် စုပ်ယူစားသုံးမှုကို အပင်၏ မြစ်မွှားများ မှ ဆောင်ရွက်သည့်အတွက် မြေသြဇာကို သရက်ပင်၏ ပင်စည်နားအလွန်ကပ်၍ မကျွေးရပါ။
- သရက်ပင်၏ ပင်စည်မှ အနည်းဆုံး (၁) ပေခွဲခန့်အကွာ (သို့မဟုတ်) အပင်ရိတ်အ၀န်းအတွင်း (၆) လက်မ အနက်တွင် ထည့်သွင်းသင့်သည်။
- ကြဲပက်ကျွေးပါက မြေသြဇာကြဲပက်ပြီး မြေဖြင့်ပြန်ဖုံးပေးရန် လိုအပ်ပါသည်။
- ဖြစ်နိုင်လျှင် မြေသြဇာတစ်ခုချင်းစီတွင် ပါရှိသော နိုက်ထရိုဂျင် အချိုးအစားကို တွက်ချက်၍ ဓါတုမြေသြဇာနေရာတွင် သဘာဝမြေသြဇာများအစားထိုး၍ အသုံးပြုပါ။
- မြေသြဇာမကျွေးခင်အပင်ခြေရှိပေါင်းမြက်များကို ရှင်းလင်းရန် လိုအပ်ပါသည်။
- မြေသြဇာကျွေးချိန် မြေကြီးထဲတွင် လုံလောက်သော အစိုဓာတ်ရှိရပါမည်။
အပင်သက်တမ်းအလိုက်လိုအပ်သော မြေသြဇာနှုန်းထားများ
အော်ဂဲနစ်မြေသြဇာများ အသုံးပြုခြင်း
ကောင်းစွာဆွေးမြေ့သော သဘာဝမြေသြဇာများကိုသာ အသုံးပြုရမည်။
- ကျွဲ ၊ နွား ၊တိရစ္ဆာန်အညစ်အကြေးများကို ကောင်းစွာဆွေးမြေ့ပြီးမှသာလျှင် မြေသြဇာအဖြစ် ထည့်သွင်းအသုံးပြုရမည်။
- ရိတ်သိမ်းချိန်နှင့်နီးကပ်လာလျှင် အော်ဂဲနစ်မြေသြဇာ ထည့်သွင်းခြင်းကို လျှော့ချသုံးစွဲရမည်။
- တိရစ္ဆာန်အညစ်အကြေးပုံများနှင့် သဘာဝမြေဆွေးပုံများကို မြစ်ချောင်းများ ၊ ရေသိုလှောင် ကန်များနှင့် ဝေးရာတွင်ထားရမည်။
ပင်ကြွင်းပင်ကျန်များ စွန့်ပစ်ခြင်း
- အသီးသီးပြီးချိန်တွင် ပန်းခိုင်ဟောင်းများ ၊ ကိုင်းသေ ၊ ကိုင်းခြောက်များကျန်ရှိမနေစေရန် ရှင်းလင်းရမည်။
- ထပ်နေသည့်အရွက်များ ၊ အသီးနှင့် ကပ်လွန်းသောအရွက်များနှင့် ပုံမမှန်မသန်စွမ်းသည့် အသီးများနှင့် အပင်ခြေတွင် ကြွေကျနေသော အသီးပုပ်အကြွေများကို စနစ်တကျ ကောက် ယူဖျက်စီးပစ်ရမည်။
- ပိုးမွှားကာကွယ်မှု ထိရောက်စေရန်နှင့် နေရောင်ခြည်လုံလောက်စွာ ရရှိနိုင်မည့် အသီးများကို ထိခိုက်စေနိုင်သော ကိုင်းများ ၊ ပန်းခိုင်နှင့် အရွက်များကို ဖယ်ရှားရပါမည်။
- အပင်ခြေမှာ ကြွေကျနေသော အသီးပုပ်အကြွေများကို စနစ်တကျကောက်ယူဖျက်စီးပစ်ရ မည်။
ပိုးသတ်ဆေးသုံးစွဲခြင်း
စိုက်ပျိုးရေးဆိုင်ရာ အလေ့အကျင့်ကောင်းများကို လိုက်နာဆောင်ရွက်ရာတွင် မှတ်ပုံတင်ထားသည့် ပိုးသတ်ဆေးများကို စနစ်တကျအသုံးပြုရမည်။
- ပိုးသတ်ဆေးသုံးစွဲပုံအဆင့်ဆင့်နှင့် အခြားပိုးမွှားကာကွယ်သည့်နည်းများ ပါဝင်သည့် ဘက်စုံ သီးနှံကာကွယ်ရေး (IPM)စနစ်များကို ဆောင်ရွက်ရမည်။
- အသီးများကို အိတ်စွပ်ပေးခြင်းလုပ်ငန်းများ ဆောင်ရွက်ရမည်။
Source – စိုက်ပျိုးရေးဦးစီးဌာန
The post သရက်သီးစိုက်ပျိုးရေးဆိုင်ရာအလေ့အကျင်းကောင်းများ အပိုင်း (၂) appeared first on Myanmar Farmers' Portal.