မြန်မာအမည် – သင်္ဘောမဲဇလီ
အင်္ဂလိပ်အမည် – RINGWORM SHRUS
ရုက္ခဗေဒအမည် – CASSIA ALATA LINN
မျိုးရင်း – CAESALPINIACEAE
ပုံသဏ္ဍာန်
ပင်လတ်မျိုး ဖြစ်၍ အမြင့် (၁၀) ပေ ခန့်ထိရှိသည်။ အကိုင်း အသင့်အတင့် ရှိသည်။ အရွက်မှ ရွက်ပေါင်းဖြစ်ပြီး ရွက်လွှဲ ထွက်သည်။
ရွက်ညှာအလယ်တွင် မြောင်းပါသည်။ ရွက်မြွာများ မျက်နှာချင်း ဆိုင်ထွက်သည်။ အရွက်အောက်ဘက်ရှိ ရွက်မြွာများမှာ သေး၍ ရှည်မျောမျောပုံရှိပြီး ထိပ်ဘက်ရှိ ရွက်မြွာများ ထိပ်ပိုင်းကျယ်၍ အရင်းသို့ ရှူးသွား၏။ ရွက်ကြောထင်ရှား၏။ အပွင့်မှာ အခိုင်လိုက်ပွင့်ပြီး လိမ္မော်ဝါရောင်ရှိသည်။ ပွင့်ဖတ်ရှိအကြောများ ထင်ရှားသည်။ အသီးမှာ အပ်ကွဲသီး ဖြစ်သည်။ သီးတောင့် ဖြစ်ပြီး ပြောင်ချောသည်။ အစေ့များစွာ ပါသည်။
စိုက်ပျိုးသည့် ဒေသ
မြန်မာနိုင်ငံ အနှံ့အပြား။
ရာသီဥတု
မိုးအနည်းငယ်မှ မိုးများစွာ ရွာသော အရပ်များအပါအ၀င် သမပိုင်းနှင့် အပူပိုင်းအရပ်များရှိ မြေအမျိုးမျိုးတွင် ပြုပြင်စိုက်ပျိုး ဖြစ်ထွန်းနိုင်သည်။
မြေပြုပြင်နည်း
(၂’) အနက်၊ (၂’) ပတ်လည်အကျယ်ကျင်းတူး၍ မြေ၊ မြေဆွေး နှင့် သဲ ဆတူ ရောထားသော မြေထည့်၍ ရေလောင်းပေးထားရသည်။
ပျိုးထောင်နည်း
အစေ့ကို ပျိုးသေတ္တာဖြင့် ပျိုးထောင်ပြီး အပင် (၁) လက်မမှ (၁ ၁/၂) လက်မခန့် မြင့်လာသောအခါ ၀ါးဆစ်တူး၊ သို့မဟုတ် ပလတ်စတစ်အိတ်အတွင်း အပင်စီပြောင်းရွှေ့  စိုက်ပျိုးရသည်။
စိုက်ပျိုးနည်း
ရေလောင်း၍ ပြုပြင်ထားသော စိုက်ကျင်းအတွင်း တနှစ်သားခန့်ရှိသော ပျိုးပင်ကို ရွှေ့ စိုက်ပြီး ရေလောင်းပေးရသည်။ အပင် အမြစ် မြေစွဲသည်အထိ အရိပ် ပြုလုပ်ပေးသင့်သည်။
မြေသြဇာကျွေးနည်း
သဘာဝမြေသြဇာ အသင့်အတင့် သုံးစွဲစိုက်ပျိုးခြင်းဖြင့် အပင်ဖြစ် ပိုမို လျှင်မြန် သန်မာစေသည်။
မျိုးပွားနည်း
အစေ့မှ မျိုးပွားရသည်။
တစ်ဧကအပင်နှုန်း
တစ်ဧကလျှင် အပင် (၁၀၀) ခန့် စိုက်ပျိုးနိုင်သည်။
ရေသွင်းနည်း
မိုးရေချိန် လက်မ (၄၀) ထိ ရွာသွန်းပါက ရေပေးသွင်းရန် မလိုပါ။
အပင်ပြုစုနည်း
စိုက်ကျင်းအတွင်း ရွှေ့ စိုက်ပြီး တနှစ်အတွင်း ပေါင်းသင် မြေဆွ ပြုလုပ်ပေးသင့်သည်။
ကျရောက်တတ်သော ပိုးမွှားနှင့် ကာကွယ်နည်း
ပျက်စီးလောက်အောင် ဖျက်ဆီးသော ရောဂါ ကျရောက်မှု နည်းပါးပါသည်။
ဆွတ်ခူးခြင်း
အရွက်၊ အပွင့်တို့ကို ရာသီ အလိုက်ခူးယူ သုံးစွဲနိုင်သည်။
မျိုးခံယူနည်း
အသီးမှ အစေ့ကို မျိုးအဖြစ် သုံးစွဲနိုင်သည်။ အသီးခြောက်ကို ခူးယူပြီး အစေ့ထုတ်ယူ၍ မျိုးအဖြစ် စုဆောင်း အသုံးပြုသည်။
အသုံးပြုနည်း
အရွက် – အရွက်အမှုန့်ကို ပျားရည်နှင့် လျှက်သော် သွေးသားစင်ကြယ်၍ အသားအရေ စဖြိုးပြီး အင်အား တိုးပွားစေသည်။
အရွက်ဖြင့် ပွေး၊ ၀ဲ၊ နှင်းခူ စသော အရေပြားရောဂါများကို နေ့စဉ် (၂) ကြိမ်မျှ မှန်မှန် ရက်အတန်ကြာ ပွတ်ပေးသော် ပျောက်သည်။
အရွက်ကို ကြိတ်၍ အဆိပ်ရှိသော သတ္တ၀ါများကိုက်သောနေရာသို့ အုံးပေးသော် အဆိပ်ပြေသည်။
အရွက်ကို ကြိတ်၍ အဆိပ်ရှိသော သတ္တ၀ါများ ကိုက်သော နေရာသို့ အုံးပေးသော် အဆိပ်ပြေသည်။
အရွက်ကိုကျကျပြုတ်၍ ခပ်နွေးနွေး ငုံပေးသော် ခံတွင်း၌ အနာများပေါက်ခြင်း ယောင်ရမ်းခြင်းများ ပျောက်သည်။
သဘောင်္မယ်ဇလီရွက်နှင့် မုယာကြီးရွက် ရော၍ မြုံ့ ခြင်း၊ အရည်ကို မျိုပေးခြင်းဖြင့် ချောင်းခြောက်ရောဂါ ပျောက်သည်။
Source – စိုက်ပျိုးရေးဦးစီးဌာန
The post သင်္ဘောမဲဇလီ စိုက်ပျိုးနည်း appeared first on Myanmar Farmers' Portal.