မြန်မာအမည် – ထောပတ်သီး
အင်္ဂလိပ်အမည် – Avocado
သိပ္ပံအမည် – Persea Americana
မျိုးရင်း – Lauraceae
ထောပတ်သီး၏ မူရင်းဒေသသည် အမေရိကတိုက်အလယ်ပိုင်း မက္ကဆီကို နိုင်ငံ ဖြစ်သည်။ မြန်မာနိုင်ငံ ရှမ်းပြည်နယ်၊ ကယားပြည်နယ်၊ ချင်းပြည်နယ် နှင့်ပဲခူးတိုင်း၊ မန္တလေးတိုင်းတို့ရှိကုန်းမြင့်တောင်တန်းဒေသများတွင် တွေ့ရပါသည်။
ထောပတ်ပင်သည် အပင်ကြီးမျိုးဖြစ်သည်။ အမြစ်များ၏ (၈၀ – ၉၀) ရာခိုင်နှုန်းကို မြေကြီးအပေါ်ယံမှ (၂) ပေ အနက်တွင် တွေ့ရပြီး (၆၅ – ၈၀) ရာခိုင်နှုန်းကို မြေအပေါ်ယံမှ (၁၅)ပေတွင် တွေ့ရသည်။ အစေ့မှ အပင်ပေါက်ရန် တစ်လခန့်ကြာသည်။ အပင် (၁) ပေခန့်အမြင့်တွင် အရွက်စထွက်သည်။ လိင်မဲ့ မျိုးပွားပင် ဖြစ်ပါက (၃) နှစ် သက်တမ်းတွင် ပန်းစပွင့်သော်လည်း အစေ့စိုက်ပင်များ၌မူ (၇ – ၈) နှစ်ကြာမှ ပန်းပွင့်သည်။
စိုက်ပျိုးရေးဆိုင်ရာ အလေ့အကျင့်ကောင်းများဆိုသည်မှာ မြေပြုပြင် စိုက်ပျိုးထုတ်လုပ်သည်မှ စားသုံးသူလက် ၀ယ်ရောက်သည်အထိ ထုတ်လုပ်မှု ကွင်းဆက်တိုင်းတွင် .စားသုံးသူအတွက် အန္တရာယ်ဖြစ်စေသည့် ကူးစက်ညစ်ညမ်းမှု အနည်းဆုံးဖြစ်စေရန် လိုက်နာရမည့် နည်းလမ်းများကို စုစည်းထားသည့် စံလုပ်ထုံးလုပ်နည်း လမ်းညွှန်မှုများ ဖြစ်ပါသည်။
စိုက်ပျိုးရေးဆိုင်ရာ အလေ့အကျင့်ကောင်းများနှင့် ထောပတ်သီး စိုက်ပျိုးထုတ်လုပ်မည်ဆိုလျှင် အောက်ပါအချက်များကို လိုက်နာဆောင်ရွက်ရပါမည်။
စိုက်ပျိုးမည့်မြေနေရာရွေးချယ်ခြင်း
စိုက်ပျိုးမြေနှင့် အနီးပတ်ဝန်းကျင်ရှိ မြေသည်ဓါတုနှင့် ဇီဝဆိုင်ရာ အန္တရာယ်ရှိသည့် မြေနေရာ မဖြစ်စေရ။ ဆောင်ရွက်မှုများကို လွယ်ကူစွာ စစ်ဆေးနိုင်ရန် ခြံစိုက်ကွင်းမြေပုံနှင့် မှတ်တမ်းထားရှိရမည်။
– ထောပတ်စိုက်ပျိုးမည့် မြေသည် မြေသားနက်ရှိုင်းပြီး ရေစီးစိမ့်မှုကောင်းသော မြေ၊ မြေချဉ်/ ငံဓါတ် (pH – ၅ မှ ၇.၅) အတွင်းရှိ၍ မြေအောက်ရေမျက်နှာပြင်သည် မြေသားထုအနက် (၅) ပေ ရှိရမည်။
– ထောပတ်သီးသည် အအေးပိုင်းရာသီဥတု၊ သမပိုင်းရာသီဥတုတို့ကို ကြိုက်နှစ်သက်ပြီး ပျမ်းမျှအပူချိန် ၁၀ – ၂၅ံC နှင့်မိုးရေချိန်လက်မ (၃၀ – ၁၀၀) ခန့် ရွာသွန်းသောဒေသများတွင် ပိုမိုဖြစ်ထွန်းပါသည်။
– ထောပတ်ပန်းပွင့်မှု ဖြစ်ပေါ်နိုင်စေရန် အနည်းဆုံးနေ့ အပူချိန် ၁၀ – ၂၀ံC ၊ ညအပူချိန် ၇၀ – ၁၀ံC ရှိရမည်။
– တစ်နှစ်လျှင် (၅ – ၆ )လ ခန့် အေး၍ ခြောက်သွေ့ရန် လိုသည်။
– ပင်လယ်ရေမျက်နှာပြင် အမြင့်ပေ (၇၀၀၀) အထိ စိုက်ပျိုးနိုင်သော်လည်း ပေ (၄၀၀၀) ခန့် ဒေသများတွင်သာ စီးပွား ဖြစ်စိုက်ပျိုးသင့်သည်။
– ရေထုတ်မြောင်းစနစ်များ မပြုလုပ်နိုင်သောအပင်ခြေရေစပ်နိုင်သည့် မြေမျိုးကို ရှောင်ရှားရမည်။
ရေ
ထောပတ်စိုက်ပျိုးရာတွင် အသုံးပြုမည့် ရေ အရည်အသွေးကို ဓါတ်ခွဲစစ်ဆေးရမည်။ မွေးမြူရေးဇုံ၊ ဆေးရုံ၊ စက်ရုံများ မှ ဖြတ်သန်းလာသောရေ၊ မြူနီစပယ် စွန့်ပစ်ရေနှင့် သဘာဝပတ်ဝန်းကျင်ကို အန္တရာယ် ဖြစ်ပေါ်နိုင်သည့် ရေများကို အသုံးမပြုရ။ (ရေဆိုး၊ ရေညစ်များကို ပြန်လည်စီရင်၍ အသုံးပြုWHO Guideline အရ လိုက်နာ အသုံးပြုရန်)။
မျိုးစေ့၊ ပျိုးပင်
ရေ၊ မြေ၊ ဒေသ၊ရာသီဥတုနှင့် ကိုက်ညီပြီး ပိုးမွှားရောဂါကင်းစင်သည့် အရည်အသွေး ကောင်းမျိုးများကို ရွေးချယ် စိုက်ပျိုးရမည်။ စိုက်ပျိုးမည့် ပျိုးပင်နှင့် မျိုးပွားအစိတ်အပိုင်း များရရှိသည့်နေရာ၊ ရရှိသည့် အရေအတွက် နှင့် ရရှိသည့် နေ့စွဲတို့ကို မှတ်တမ်းတင်ထားရှိရမည်။
ထောပတ်ပင်ကို အစေ့မှ သော်လည်းကောင်း ကိုင်းကူး၍ သော်လည်းကောင်း စိုက်ပျိုးနိုင်သည်။ အစေ့မှ ပျိုးထောင် စိုက်ပျိုးပါက ( ၅ – ၇ ) နှစ်ခန့် ကြာမှ အသီးရရှိနိုင်ပြီး ကိုင်းကူးပင်မှ စိုက်ပျိုးပါက (၃) နှစ်အတွင်း အသီးစတင်ရရှိနိုင်ပါသည်။
မြေသြဇာ နှင့် မြေဆီလွှာဖြည့်စွက် ပစ္စည်းများ
ထောပတ်စိုက်ခင်းတွင် အသုံးပြုသည့် မြေသြဇာ (သို့မဟုတ်) မြေဆီလွှာ ဖြည့်စွက်ပစ္စည်းများတွင် အန္တရာယ်ဖြစ်စေသော ဓါတုနှင့် ဇီဝဆိုင်ရာ ပစ္စည်းများ ပါဝင်ခြင်းမရှိစေရ။
– ထောပတ်ပင်များအတွက် သဘာဝမြေသြဇာများ အသုံးပြုလျှင် ကောင်းစွာ ဆွေးမြေ့အောင် ဆောင်ရွက်ပြီးမှ အသုံးပြုရမည်။
– ထောပတ်ပင်တွင် အသုံးပြုသော မြေသြဇာ (သို့မဟုတ်) မြေဆီလွှာ ဖြည့်စွက်ပစ္စည်းများ ၀ယ်ယူသုံးစွဲရာတွင် တရားဝင်မှတ်ပုံတင်ထားသော ပစ္စည်းများ ဖြစ်ရမည့်အပြင် မှတ်တမ်းများလည်း ထားရှိရမည်။
စိုက်ပျိုးရေးသုံးဓါတုဆေးများနှင့် အခြားဓါတုပစ္စည်းများ
ထောပတ်ပင်များတွင် ဓါတုဆေးများ အသုံးပြုမှုအနည်းဆုံး ဖြစ်စေရန် ဘက်စုံပိုးမွှား ကာကွယ်ရေးနည်းစနစ်များကို အသုံးပြုရမည်။
– ပိုးသတ်ဆေးဥပဒေ၊ မြေသြဇာဥပဒေ၊ နည်းဥပဒေများနှင့် အညီ ပတ်ဝန်းကျင် ညစ်ညမ်းခြင်းနှင့် လူသားတို့၏ ကျန်းမာရေးထိခိုက်မှုများ မဖြစ်စေရေး အထူးဂရုပြုရမည်။
– ထောပတ်ပင်များတွင် ဓါတုဆေးများကို အသုံးပြုရန် လိုအပ်လာပါက တရားဝင်မှတ်ပုံတင်ထားသည့် ဓါတုဆေးများကိုသာ အသုံးပြုရမည်။
– ဆေးဖျန်းပြီးနောက် မရိတ်သိမ်းမီ စောင့်ဆိုင်းရမည့် ကာလ အပိုင်းအခြားကို အတိအကျ လိုက်နာရမည်။
– ထောပတ်စိုက်ပျိုး ထုတ်လုပ်သူနှင့် လုပ်သားများသည် ပိုးသတ်ဆေး စနစ်တကျ ကိုင်တွယ်သုံးစွဲနည်းများကို သိရှိနားလည်ထားရမည်။
– ထောပတ်ပင်အတွက် အသုံးပြုသော ဓါတုဆေးများ ၀ယ်ယူ၊ သိုလှောင်၊ သုံးစွဲမှု၊ အသုံးချမှုနှင့် စွန့်ပစ်မှုတို့ကို စနစ်တကျ ဆောင်ရွက်၍ မှတ်တမ်းများထားရှိရမည်။
– လောင်စာဆီ၊ ချောဆီ နှင့် အခြားသော စိုက်ပျိုးရေးသုံးမဟုတ်သည့် ဓါတုဆေးများကို ထောပတ်သီးများ၏ ညစ်ညမ်းမှု အန္တရာယ်အနည်းဆုံး ဖြစ်စေရန် ကိုင်တွယ်အသုံးပြုခြင်း၊ သိုလှောင်ခြင်း နှင့် စွန့်ပစ်ခြင်းတို့ကို ပြုလုပ်ရ မည်။ ထော ပတ်သီးတွင် ရောဂါမကျရောက်စေရန် ကြိုတင်ကာကွယ်ခြင်းမှာ ပို၍ ကောင်းမွန်ပါသည်။ လိုအပ်မှသာလျှင်ဓာတုပိုးသတ်ဆေးများ အသုံးပြုသင့်ပါသည်။
Source- စိုက်ပျိုးရေးဦးစီးဌာန
The post ထောပတ်သီး စိုက်ပျိုးရေးဆိုင်ရာ အလေ့အကျင့်ကောင်းများ appeared first on Myanmar Farmers' Portal.