မြေဘောင်ပျိုးခင်းတွင် ပျိုးထောင်စိုက်ပျိုးထားသော လက်ခံပင်တွင် မျိုးသန့်မျိုးဖြင့် အဖူးကူးပြီးနောက် အောင်မြင်သည့်အပင်အား မျိုးသန့်ဖူး မှ အပင်မထွက်ခင်တွင် နှုတ်ကာ ရေသောက်မြစ်နှင့် လက်ခံပင်အပေါ်ပိုင်းအဖူးကူး နေရာအထက်နားတွင် ဖြတ်ကာ စိုက်ကျင်းတွင် စိုက် ပျိုးခြင်းဖြစ်ပါသည်။
လက်ခံပင်အား အဖူးအထက် ၄-၅ လက်မခန့်တွင် အဖူး၏ အခြားတစဖက်သို့ စောင်း၍ ဖြတ်ရသည်။ ရေသောက်မြစ်အား ပျိုးပင်သက် တမ်းနှင့် အဖူကူးနည်းစနစ် အမျိုးမျိုးအရ ၁၄ လက်မ မှ ၁၈လက်မခန့် အရှည်ထား၍ ဖြတ်ရသည်။ အလားတူ ဘေးအမြစ်များကိုလည်း ၁/၂ လက်မ မှ ၁ ၁/၂ လက်မခန့်အထိ ထား၍ ဖြတ်ရသည်။ ဤအဖူးကူးအောင်မြင်ပြီးစ ပျိုးပင်ငုတ်အား စိုက်ပျိုးရာတွင် အသင့်မြေပြန်ဖို့ ထားသော စိုက်ကျင်းတွင် စိုက်ပျိုးမည့် ပျိုးပင်ငုတ် အမြစ်အရှည်ဝင်ဆံ့ရန်အတွက် ယင်းအမြစ်အရှည်အနက်အထိ ပျိုးပင်ငုတ်ထက် အနည်းငယ်ကြီးသော တုတ်ချွန်ဖြင့် အရာပေးကာ အပေါက်ဖောက်ရသည်။ ယင်းအပေါက်တွင် ပျိုးပင်ငုတ်အား ထိုးစိုက်ကာ အပင်မှ ၇-၈ လက်မခန့် အကွာတွင် စိုက်ကျင်းအတွင်း တုတ်ချောင်းအားစောင်း၍ ထိုးစိုက်ကာ မြေကြီအား အပင်ဘက်သို့ ဆွဲကြပ်ပေးရသည်။ ဤသို့ အပင်ဘက်သို့မြေကြီးအားဆွဲ ကြပ်ခြင်းကို အပင်ပတ်ပတ်လည် ၄-၅ နေရာတွင်ပြုလုပ်ရသည်။ ဆက်လက်၍ အပင်ပတ်ပတ်လည် ရှိမြေကြီးအားနင်းသိပ်ပေးရသည်။
အပင်ဘေးမြစ်များအပြတ်မနင်းမိအောင် ဂရုစိုက်ရမည်။ အဓိကမှာ အမြစ်များနှင့်မြေကြီးများ ထိနေရပြီး လေဟာနေခြင်း မရှိအောင် မြေကြီးများ ကြပ်ပေးခြင်း၊ နင်းပေးခြင်း ပြုလုပ်ရသည်။ စိုက်ကျင်းတွင် ရေ၀ပ်နေခြင်းမရှိအောင် ဂရုစိုက်ရသည်။ စိုက်ပျိုးပြီးနောက်တစ် ပတ်ခန့်အတွင်း အပင်များအားပြန်လည်စစ်ဆေးကာ လိုအပ်ပါက မြေထက်ဖို့ကာ နင်းသိပ်ပေးရသည်။ မိုးရာသီမကုန်မီ မြက်ခြောက်၊ ကောက်ရိုးစသည် များအား အပင်ခြေတွင်အုပ်ကာ အစိုဓါတ်ထိန်းပေးရသည်။ အပတ်စဉ် အပင်များစစ်ဆေးကာ လက်ခံပင်အပိုင်းမှ ထွက်လာသော အညွန့်အတက်များအားဖြတ်ကာ ဖယ်ရှားရသည်။ အလားတူ မျိုးသန့်အဖူးမှ အညွန့်တစ်ခုထက်ပိုထွက်လာပါက အသန် ဆုံးအညွန့်တစ်ခုမှအပ ကျန်အညွန့်အတက်များအား ဖြတ်ပေးရသည်။
ဤနည်းမှာ မြေလုံးမပါဘဲ အမြစ်အားဖြတ်ကာ စိုက်ပျိုးခြင်းဖြစ်သည့်အတွက် အပင်သေပျောက်မှု များပါသည်။ ၄င်းအပြင် စိုက်ပျိုးခြင်းဖြစ် သည့် အဖူးကူးအောင်ပင်များအနေနှင့် အဖူးမှ အပင်ထွက်လာမှုမှာ အပင်အားလုံး တစ်ပြိုင်တည်း မထွက်ဘဲ ကွာခြားမှုရှိသဖြင့် စိုက်ခင်း အပင်ညီညာမှုမရှိပါ။ လက်ခံပင်အပိုင်းမှ ထွက်လာသော အညွန့်များအားအချိန်မှန် စစ်ဆေး ဖြတ်တောက်ခြင်းမရှိပါက မျိုးသန့်အဖူးမှ အပင်ထွက်မလာဘဲ ကန်းသွားတက်သည်။
မြန်မညနိုင်ငံတွင် ယခင်က ဤနည်းကို အသုံးပြုစိုက်ပျိုးခဲ့ရာတွင် ၄၀%မှ ၆၀% အထိအပင်များ သေဆုံးမှု ရှိခဲ့ပါသည်။ ဤနည်းမှာ မိုးရွာ သွန်းမှုမသေချာသည့်ဒေသများ၊ နွေရာသီ ပူပြင်းခြောက်သွေ့ကာလ ရှည်ကြာသည့် ဒေသများ၊ အစိုဓါတ်ထိန်းမှု ညံ့သောဒေသများတွင် ဖြစ်ထွန်းအောင်မြင်မှု နည်းပါသည်။ ရာသီဥတုနှင့် မြေအခြေအနေကောင်းသည့် ဒေသများတွင် မိုးရာသီကျရောက်ပြီး မိုးမှန်သည်နှင့် စောစော စိုက်ပျိုးရန်လိုအပ်ပါသည်။ စိုက်ပျိုးသည့်လုပ်ငန်းကို ကျွမ်းကျင်ရန် လိုအပ်ပြီး စနစ်တကျကြီးကြပ်ပေးရန် လိုအပ်ပါသည်။
စိုက်ပျိုးရေးဦးစီးဌာန
The post (၂) အဖူးကူးအောင်ပြီးစ ပျိုးပင်ငုတ် (Budded Stump) စိုက်ပျိုးနည်း appeared first on Myanmar Farmers' Portal.