ရွေးချယ်ထားသော အထွက်ကောင်း မိခင်ပင်မှ မျိုးစေ့များအား ပျိုးထောင်ခြင်းမပြုဘဲ စိုက်ကျင်းတွင် တိုက်ရိုက် အစေ့မြှပ်ကာ စိုက်ပျိုးခြင်း ဖြစ်ပါသည်။ ဤနည်းမှာ အလွယ်ကူဆုံးနှင့် စရိတ်အသက်သာဆုံးနည်းဖြစ်ပါသည်။ သို့ရာတွင် ပျိုးခင်းတွင် ပျိုးထောင်စိုက်ပျိုးသော နည်း ထက် စိတ်ကြိုက်သန်စွမ်းသော ပျိုးပင်များ ရွေးချယ်ရန် အခွင့်အလမ်းနည်းပါသည်။
စုဆောင်းရွေးချယ်သော မျိုးစေ့များအား တစ်ည ရေစိမ်ပြီးနောက် စိုက်ကျင်းတစ်ကျင်းလျှင် ၃ စေ့နှုန်းဖြင့် ဖိုခနှောက် ၃ ပွင့်ဆိုင် ၄ လက် မခန့်စီ ခြား၍ စိုက်ပျိုးရပါသည်။ မျိုးစေ့အညှောင့်တံအား အပေါ်ဖက်သို့ထောင်၍ မြေအနက် ၁ လက်မ ခန့်စီခြား၍ စိုက်ပျိုးရပါသည်။ မျိုးစေ့ အညှာတံအား အပေါ်ဖက်သို့ထောင်၍ မြေအနက် ၁ လက်မခန့် မြှပ်စိုက်ရသည်။ မျိုးစေ့များမှာ ၂ – ၃ ပတ်ခန့်တွင် ပေါက်လာပြီး ၁ လ မှ ၂ လ ခန့် အကြာတွင် အသန်စွမ်းဆုံး အပင်တစ်ပင်အား ချန်လှပ်ခါ ကျန်အပင်များအား ဖယ်ရှား နှုတ်ပစ်လိုက်ရသည်။
စိုက်ပျိုးသုတ ပစ္စယ (Pissaya Info)
The post သီဟိုသရက်ကို မျိုးစေ့အား တိုက်ရိုက်စိုက်ခင်းတွင် စိုက်ပျိုးနည်း appeared first on Myanmar Farmers' Portal.