ကိုင်းဆက်ပင်များ စိုက်ပျိုးနည်း
ရွေးချယ်ထားသော အထွက်ကောင်းမျိုးအား လိင်မဲ့ မျိုးပွားနည်းဖြင့် စိုက်ပျိုးထားသော သီဟိုဠ်သရက်ပင်များမှာ အထွက်နှုန်းနှင့် အပင် အရည်အချင်းများ မိခင်ပင်အတိုင်း ဖြစ်လာမည်ဖြစ်သဖြင့် ရေရှည်တွင် လိုက်နာဆောင် ရွက်သင့်သော အကောင်းဆုံးသော စိုက်ပျိုးနည်း စနစ်ဖြစ်ပါသည်။
သီဟိုဠ်သရက်ပင်မှာ မြေထုပ်စည်းခြင်း၊အဖူးကူးခြင်း ၊ကိုင်းဆက်ခြင်း အစရှိသော လိင်မဲ့နည်းအမျိုးမျိုးကို အသုံးပြုကာ မျိုးပွားနိုင် ကြောင်း သုတေသနပြု လေ့လာထားပြီးဖြစ်ပါသည်။ ယင်းလိင်မဲ့မျိုးပွားနည်း အမျိုးမျိုးအနက် ကိုင်းဆက်နည်း တစ်နည်းဖြစ်သော သစ်နု ကိုင်းဆက်နည်း (Soft –wood grafting)မှာအောင်မြင်မှုနှုန်းကောင်း ပြီး စီးပွားဖြစ် ကျယ်ကျယ်ပြန့်ပြန့် ဆောင်ရွက်သင့်သောမျိုးပွား နည်းဖြစ်ပါသည်။
သစ်နုကိုင်းဆက်နည်းစနစ်(Soft –wood grafting)
သစ်နု ကိုင်းဆက်နည်းမှာ ၁ ၁/၂ လ – ၂လအရွယ် လက်ခံပင်တွင် မျိုးကိုင်းအား သပ်ပုံသဏ္ဍာန် ပြုလုပ်၍ ကိုင်း ဆက်ခြင်း ဖြစ်ပါသည်။ သစ်နုကိုင်းဆက်နည်းကို အောက်ဖော်ပြပါအတိုင်း ပြုလုပ်ဆောင်ရွက် သွားနိုင်ပါသည်။
(က) လက်ခံပင်ပျိုးထောင်ခြင်း
(၁) လက်ခံပင်ပျိုးထောင်ရန်အတွက် မျိုးစေ့များကို သီဟိုဠ်စေ့ လှိုင်လှိုင်ထွက်ချိန်တွင် စုဆောင်းကောက်ယူပါ။
(၂) မျိုးစေ့များအား ၂-၃ နေ အခြောက်လှန်းပါ။
(၃) မျိုးစေ့များအား ရေတွင်စိမ်ကြည့်ပြီး ရေမြုပ်စေ့များကို ရွေးချယ်ပါ။
(၄) အရွယ် အလတ်စားရှိသော မျိုးစေ့များ (၁ ပိဿာ တွင် ပျှမ်းမျှအလုံးရေ ၂၂၀ – ၂၅၀ ရှိသော မျိုးစေ့များ) ကိုရွေးချယ်ပါ။
(၅)မျိုးစေ့များအား တစ်ညရေစိမ်ပါ။
(၆) ၆ လက်မ× ၁၀လက်မ အရွယ်အစားနှင့် ဂိတ် ၃၀၀ အထူရှိသော ပလပ်စတစ်အိတ်များအား အောက်ခြေတွင် အပေါက်ငယ် ၂၀-၃၀ ခန့်ဖောက်ပါ။ ပလပ်စတစ်အိတ်တွင် မြေကြီး၊သဲနှင့် မြေဆွေး သို့မဟုတ် နွားချေးသုံးမျိုးအား ဆတူရောစပ်ကာ ဖြည့်ပါ။ယင်းအိတ်သွတ် ရန်ရောစပ်ထားသော မြေ ၁ ပြည်တွင် ရော့ဖောစဖိတ်မြေသြဇာ ၁/၅ အောင်စ နှုန်းကိုလည်း ထည့်သွင်းရောစပ်ပါ။
(၇) ပလပ်စတစ်အိတ်တွင် သီဟိုဠ်သရက်စေ့အား အညှာတံကို အပေါ်ဖက်ထောင်လျက် အနေအထားဖြင့် အနက် ၃/၄ လက်မ – ၁ လက်မမြုပ်၍ ပျိုးထောင်ပါ။
(၈) မျိုးစေ့များကို ရေလုံလောက်စွာ နေ့စဉ်မှန်မှန် လောင်းပေးပါ။ရေ မများသွားစေရန် ဂရုစိုက်ပါ။
(၉) ကိုင်းဆက်ခြင်းကို စဉ်ဆက်မပြတ် ဆောင်ရွက်နိုင်ရန်အတွက် မျိုးစေ့များကို အပတ်စဉ်ခွဲ၍ ပျိုးထောင်ပါ။
(၁၀) နွေရာသီ ပူပြင်းချိန်တွင် ယာယီအရိပ်ကြဲစင် ပြုလုပ်ပေးပါ။
(၁၁) မိုးရာသီတွင် ပျိုးပင်ငယ်များ ခါးရိရောဂါ (damping off disease)မှကာကွယ်ရန်အတွက် ဘော်ဒိုဆေး ရည် ၁% ဖြန့်ပေးပါ။
(၁၂) ကိုင်းဆက်ရန်အတွက် လက်ခံပျိုးပင် အသက်ရက် ၄၀-၅၀ ခန့်တွင် ကိုင်းဆက်နိုင်ပါသည်။ လက်ခံပင် အသုံးပြုရန်အတွက်ဘေး ကိုင်းများ မရှိသော ဖြောင့်တန်းသော ပင်မကိုင်း တစ်ကိုင်းသာရှိသည့် သန်စွမ်း သော ပျိုးပင်ကို ရွေးချယ်ရပါမည်။အနည်းဆုံး အရွက်၃ စုံ ရှိရပါမည်။
(ခ)မျိုးတိုင်းရွေးချယ်ခြင်း
(၁) ရွေးချယ်ထားသော အထွက်ကောင်း မိခင်ပင်မှ နှစ်အတွင်းထွက်သော အပွင့်ကိုင်း မဟုတ်သည့် ဘေးကိုင်းအား ရွေးချယ်ပါ။
(၂) ရွေးချယ်ရမည့် မျိုးကိုင်းမှာ အရှည် ၄ လက်မ -၅ လက်မနှင့် ခဲတန်လုံး အရွယ်အစား ရှိကာ ၊အလုံးညီညာ ဖြောင့်တန်းနေသောအညို ရောင်ကိုင်း ဖြစ်ရပါမည်။ကိုင်းထိပ်အဖူးမှာ အညွှန့်မထွက်သေးဘဲ ထွက်ရန် ပြုနေ သည့် အနေအထားမျိုး ဖြစ်သင့်ပါသည်။
(၃) မိခင်ပင်တွင် ရွေးချယ်ထားသော မျိုးကိုင်းပေါ်ရှိ အရွက်များအား ရိုးတံချန်လှပ်၍ ဖြတ်ချလိုက်ပါ။
(၄)မျိုးကိုင်းများမှာ ၇-၁၀ ရက်ခန့်တွင် အသင့်ကိုင်းဆက်နိုင်မည်ဖြစ်ပါသည်။ဤအချိန်တွင် မျိုးကိုင်းပေါ်တွင် ကျန်နေသောအရွက်ရိုးတံ များမှာ ကြွေကျပြီး ဖြစ်ပါသည်။
(၅) ကိုင်းဆက်ရန် မျိုးကိုင်းအား မျိုးကိုင်းထိပ်ဖူးမှ အညွှန့် မထွက်မီ အဆင့်တွင် ဖြတ်ယူပါ။
(၆) မျိုးကိုင်းများအား နံနက်စောစောတွင် ဖြတ်ပြီး၊ကိုင်းဆက်ရန် အသုံးမပြုမီ ခြောက်မသွားစေရန်အတွက်ရေ စွတ်ထားသော အဝတ်စ ဖြင့်ထုပ်ထားရပါမည်။
(ဂ) ကိုင်းဆက်ခြင်း
(၁)လက်ခံပျိုးပင်အား အောက်ခြေအရွက် ၂ စုံမှ အပကျန်အရွက်များဖြတ်ပစ်ပါ။
(၂)လက်ခံပင်အား မြေကြီးမှအမြင့် ၆ လက်မခန့် နေရာ သစ်သားနုရှိသော အပိုင်းတွင် ကန့်လန့်ဖြတ်လိုက်ပါ။
(၃)လက်ခံပင် ကန့်လန့်ဖြတ်ထားသော နေရာတွင် မျိုးကိုင်း သစ်လာရောက်ထည့်သွင်း ကိုင်းဆက်နိုင်ရန်အ တွက် `V’ ပုံသဏ္ဍာန်ရ အောင်၁ ၁/၂ လက်မ -၂ လက်မ အနက်ခန့်ခွဲ၍ လှီးလိုက်ပါ။အပေါ်ပိုင်း အခေါက်တွင်း ရှိ သစ်သားအနည်းငယ်ကိုလည်း လှီး၍ ဖယ်ရှား လိုက်ပါ။
(၄) အရှည် ၄ လက်မခန့်ရှိပြီး ကိုင်းဆက်ရန် လက်ခံပင်နှင့် အရွယ်အစားကိုက်ညီသော မျိုးကိုင်းကို ရွေးချယ်ပါ။
(၅)ဖြတ်ထားသောမျိုးကိုင်းအား အောက်ခြေတွင် ၁ ၁/၂ လက်မ – ၂လက်မ အရှည်ရှိသော သပ်ပုံသဏ္ဍာန် ရရှိအောင် ဘေးနှစ်ဖက်မှ အခေါက်နှင့် သစ်သားများကိုလှီးပါ။
(၆) လက်ခံပျိုးပင်ထိပ်ခွတွင် မျိုးကိုင်းအောက်ခြေသပ်အား အံကျဖြစ်အောင် ထည့်သွင်းပါ။ လက်ခံပင်နှင့် မျိူးကိုင်းများမှ အခေါက်အတွင်း ပိုင်းရှိ အသားတိုးလွှာ (cambium)နှစ်ခုမှာ တစ်ခုနှင့်တစ်ခု အံဝင်ဂွင်ကျ ပူးထိ နေရပါမည်။
(၇) ကိုင်းဆက်နေရာအား ဗျက် ၁/၂ လက်မနှင့် အရှည် ၁၂ လက်မခန့်ရှိသော အထူဂိတ် ၁၀၀ ရှိ ပလပ်စတစ် တိပ်ကြိုးဖြင့်လုံနေအောင် မြဲမြံစွာ စည်းချည်ပါ။
(၈) ကိုင်းဆက်ပြီးနောက် မျိုးကိုင်းအဖူး ခြောက်မသွားစေရန်အတွက် မျိုးကိုင်းအပိုင်းအား ကိုင်းထိပ်ရှိ အဖူးအား မထိစေဘဲ ပလပ်စတစ် အိတ်ကို စွပ်ကာ ကြိုးဖြင့် ချည်နှောင်ထားပါ။
(၉) ကိုင်းဆက်ပြီး အပင်များအား ၁၀ ရက်ခန့် အရိပ်အောက်တွင်ထားပါ။မျိုးကိုင်း ထိပ်အဖူးမှ အညွှန့်များ ထွက် လာသည့်အခါတွင် စွပ် အုပ်ထားသော ပလပ်စတစ်အိတ်အား ဖယ်ရှားကာအပင်အား အရိပ်အောက်မှ အပြင်သို့ ရွှေ့ထားပါ။
(ဃ) ကိုင်းဆက်ပင်များအား ပျိုးခင်းတွင် ထိန်းသိမ်းပြုစုခြင်း
(၁) ကိုင်းဆက်ပင်များအား နေ့စဉ် ရေပန်းခရားဖြင့် ရေမှန်မှန်လောင်းပေးပါ။
(၂) ၃ လခန့်အကြာတွင် ကိုင်းဆက်နေရာ၌ စည်းချည်ထားသော ပလပ်စတစ် တိပ်ကြိုးအားဖြေ၍ ဖယ်လိုက်ပါ။
(၃) ၆ လခန့်အကြာတွင် လက်ခံပင်အောက်ခြေတွင်ရှိသော အရွက်များအား ဖြတ်ပစ်ပါ။
(၄)လက်ခံပင်အပိုင်းမှ ထွက်လာသော ကိုင်းများ၊ကိုင်းဆက် မျိုးကိုင်း အပိုင်းမှ ထွက်လာသော အပွင့်ခိုင်များ အား အချိန်မှန်မှန် ဖြတ်၍ ဖယ်ရှားပေးပါ။
(၅)နွေရာသီ ပူပြင်းသောကာလတွင် ယာယီ အရိပ်ကြဲစင်ပြုလုပ်ပေးပါ။
(၆) ကိုင်းဆက်အောင်ပင်များအား ကိုင်းဆက်ပြီး ၃-၄ လ အကြာတွင် စိုက်ခင်းသို့ စတင်ပြောင်းရွှေ့စိုက်ပျိုးနိုင် ပါသည်။စိုက်ခင်းစိုက်ပျိုး ရာတွင် ၅ လမှ ၁၁ လသားအရွယ်ရှိ ကိုင်းဆက်ပင်များမှာ ရှင်သန်ဖြစ်ထွန်းမှုအကောင်းဆုံးဖြစ်ပါသည်။
စိုက်ပျိုးသုတ ပစ္စယ (Pissaya Info)
The post သီဟိုဠ်သရက်ကို ကိုင်းဆက်ပင်များဖြင့် စိုက်ပျိုးနည်း appeared first on Myanmar Farmers' Portal.