ပေါင်းစေ့များသည် မျိုးအဖြစ် အသုံးပြုမည့်စပါးမျိုးစေ့များနှင့် ရောဂါလာပါက မစိုက်မီ စကာချခြင်း၊ ရေစိမ်ခြင်း၊ ဆားရေစိမ်ခြင်းတို့ ပြုလုပ်ဖယ် ရှားခြင်း ဖြင့် ပေါင်းစေ့များ စိုက်ခင်းသို့ ပါမသွားနိုင်စေရန် ပြုလုပ်နိုင်သည်။
တိုက်ရိုက်အစေ့ချ စိုက်စပါးခင်းများ၌ ဆိုးရွားလာသော မြက်သီးပြဿနာကို ဤနည်းဖြင့် ကာကွယ်နိုင် သည်။ မြက်သီးအစေ့များသည် မျိုးစပါးများနှင့် ရောနှောပါလာသဖြင့် ဒေသအသစ်များ၌ မြက်သီး ပြဿနာပြန့်နှံ့လာသည်။
မြက်သီးအနှံများသည် စပါးပင်ထက် ပိုမြင့်သဖြင့် ထင်ရှားပေါ်လွင်နေတတ်သည်။ စိုက်ရလွယ်ကူသည့် အခြေအနေရှိလျှင် စပါးမရိတ်မီ မြက်သီးအနှံများကို ကြိုရိတ်ပေးခြင်းဖြင့် မြေပေါ်သို့ ပေါင်းစေ့များ မကျရောက်နိုင်ခြင်း၊ စပါးစေ့များနှင့် ရောနှောပါသွားခြင်း မရှိနိုင်တော့ပေ။
မြေပြုပြင်ရာ၌ မြက်ခေါင်းများ၊ ရိုင်ဇုမ်းများ၊ ကျူဘာများကို ပြောင်စင်အောင် ကောက်ပေးခြင်းဖြင့် ၀က်လာကဲသို့ နှစ်ရှည်ပေါင်းများ ပေါက်ရောက် မှု လျော့နဲစေသည်။ ပေါင်းနှိမ်နင်းသည့် အချိန် မှန်ကန်ရန်လည်း လိုအပ်သည်။
ပေါင်းနှင့် သီးနှံ ယှဉ်ပြိုင်သည့် အရေးကြီးကာလအတွင်း ပေါင်းရှင်းမှသာ ပေါင်းကြောင့် ဆုံးရှုံးမှု အနည်းဆုံး ဖြစ်မည်။
ပျိုးထောင် ကောက်စိုက်စနစ်၌ ကောက်စိုက်ပြီး ရက် (၃၀) မှ ရက် (၄၀) အတွင်း တိုက်ရိုက် အစေ့ချလယ်စပါး၌ စပါးစိုက်ပြီးရက် (၂၀) မှ ရက် (၄၀) အတွင်း ပေါင်းနှိမ်နင်းရန် လိုအပ်သည်။
ထိုအချိန်၌ ပေါင်းပင်များသည် အလွန်သေးငယ်သဖြင့် လက်ပေါင်းလိုက်ရန် မဖြစ်နိုင်ပေ။ ထို့ကြောင့် လက်တွန်းကြား ပေါင်း လိုက်ကိရိယာနှင့် ပေါင်း ရှင်းခြင်း၊ ပေါင်းသတ်ခြင်း သုံးစွဲခြင်းတို့ဖြင့် နှိမ်နင်းနိုင်သည်။
ယေဘုယျအားဖြင့် ပေါင်းနှိမ်နင်းရမည့် ကာလသည် သီးနှံသက်တမ်း၏အစောပိုင်း ၁/၃ ကာလ ဖြစ်သည်။
ပေါင်းသတ်ဆေးသုံးစွဲမည်ဆိုပါက သီးနှံနှင့် ပေါက်ရောက်သည့် ပေါင်းအမျိုးအစားလိုက်၍ ပေါင်းသတ်ဆေး ရွေးချယ်မှုမှန်ကန်ရမည်။ ပေါင်းသတ်ဆေးနှုန်းထား၊ ပတ်ဖျန်းချိန်၊ ပက်ဖျန်းသည့် ပတ်ဝန်းကျင် အခြေအနေ မှန်ကန်ရမည်။
မြက်မှန်ညင်း၊ ရွက်ပြန့်ပေါင်းများ နှိမ်နင်းရန် အီသောက်စီစတဖြူရွန်၊ တူးဖိုးဒီ၊ အင်စီပီအေ-သိုင်အို အီသိုင်းစသည့် ပေါင်းသတ်ဆေးများ သုံးစွဲနိုင်သည်။
မြက်ကို နှိမ်နင်းလိုပါက ဖန်နောက်ဆာပရော့ပီအီသိုင်းကို သုံးစွဲနိုင်ပြီး မြက်၊ မြက်မုံညင်း၊ ရွက်ပြန့်ပေါင်း များကို ပရိုပနေး၊ သိုင်အိုဘန်ကပ်၊ ပရီတော် လာကလောအောက်ဆာဒိုင်ရာဇင်၊ ဘစ်ပိုင်ရီ၊ ဘတ်ဆိုဒီယမ် စသည့် ပေါင်းသတ်ဆေးများ အသုံးပြု၍ နှိမ်နင်းနိုင်သည်။
Source – စိုက်ပျိုးရေးဦးစီးဌာန
The post စပါးသီးနှံတွင် အဓိကပေါက်ရောက်တဲ့ ပေါင်းပင်များကာကွယ်နှိမ်နင်းနည်း appeared first on Myanmar Farmers' Portal.