မြန်မာအမည် – ပန်းဂေါ်ဖီစိမ်း
အင်္ဂလိပ်အမည် – BROCCOLI
ရုက္ခဗေဒအမည် – Brassica oleracea
(type itaica)
မျိုးရင်းအမည် – CRUCIFERAE
ပန်းဂေါ်ဖီစိမ်းသည် ၁၉၈၀ ပြည့်နှစ်ခန့်မှစ၍ မြန်မာပြည်တွင် စိုက်ပျိုးလာသော မျိုး၊ဖြစ်ပါသည်။ ပန်းဂေါ်ဖီအစိမ်းသည် ပိုမိုနူးညံ့ပြီး ဗီတာမင် ကေ ပါဝင်မှု အထူးများပြား၍ နှလုံးသွေးကြောကျဉ်းရောဂါ၊ အစာအိမ်ကင်ဆာနှင့် ရင်သားကင်ဆာတို့ကို ပျောက်ကင်းစေနိုင် ပါသည်။
မူရင်းဒေသ
ပန်းဂေါ်ဖီစိမ်းသည် ပန်းဂေါ်ဖီအဖြူ စတင်ဖြစ်ထွန်းရာ ဒေသများဖြစ်သော အီတလီနိုင်ငံ အမေရိကန်နိုင်ငံတို့တွင် ၁၉၄၅ ခုနှစ်နောက်ပိုင်း ထုတ်လုပ်ရာမှ ကမ္ဘာတွင် ကျယ်ကျယ်ပြန့်ပြန့် စိုက်ပျိုးလာခြင်း ဖြစ်သည်။
ပန်းဂေါ်ဖီစိမ်း အမျိုးအစား
ပန်းဂေါ်ဖီစိမ်းတွင် အဓိကအားဖြင့် အစ်ိမ်းရောင်ပန်းပွင့်နှင့် ခရမ်းနီရောင် ပန်းပွင့်ဟူ၍ နှစ်မျိုးရှိပါသည်။ ပန်းပွင့်၏ အချင်းသည် ( ၈ – ၁၀) လက်မခန့်ရှိပြီး သက်တမ်း (၇၅ – ၉၀) ရက်ခန့်တွင် ဆွတ်ခူးနိုင်သည်။ ထူးခြားချက်မှာ ပန်းဂေါ်ဖီအဖြူကဲ့သို့ ထိပ်ပန်းပွင့်တစ်ခု တည်း ကိုသာ စားသုံးရခြင်း မဟုတ်ပဲ ဘေးတက်များမှ ဖြစ်ပေါ်လာသော ပန်းပွင့်များကိုပါ စားသုံးရခြင်းဖြစ်သည်။ ပန်းဂေါ်ဖီစိမ်းသည် ထိပ် ပန်းပွင့်ကို ဖြတ်ယူစားသုံးပြီးနောက် ထွက်လာသော ဘေးတက်များမှာပန်းပွင့်များနှင့် အဆုံးသတ်လေ့ရှိပါသည်။ သို့ဖြစ်၍ အေးမြခြောက် သွေ့သော ဒေသများတွင် ပန်းဂေါ်ဖီစိမ်းပင်များကို အပင်သက်တမ်း (၁၁) လခန့် အထိ ကြာရှည်စွာ ခူးဆွတ်ရရှိနိုင်ပါသည်။
မြေအမျိုးအစား
ရေစီးရေလာကောင်းသော မြေဆီသြဇာထက်သန်သည့် မြေမျိုးတွင် ကောင်းမွန်စွာ ဖြစ်ထွန်းနိုင်ပါသည်။ အကောင်းဆုံးမြေမှ သဲဆန် သော နုန်းနုမြေဖြစ်သည်။ မြေချဉ်အငံဓာတ် (၆ – ၆.၅) ရှိသောမြေမျိုးကို ကြိုက်နှစ်သက်သည်။
ရာသီဥတု
ပန်းဂေါ်ဖီစိမ်းသည် ပန်းဂေါ်ဖီအဖြူကဲ့သို့ ပင် အအေးကြိုက်သည်။ အေးပြီး အစိုဓါတ်အမြဲရလျှင် စိုက်နိုင်သည်။ ပျမ်းမျှ အပူချိန် (၆၀ – ၇၀) ဒီဂရီဖာရင်ဟိုက်ရှိရမည်။
မျိုးစေ့နှုန်း
တစ်ဧကလျှင် မျိုးစေ့ ပေါင်ဝက်ခန့်လိုသည်။
စိုက်ပျိုးချိန်
မြေပြန့်ဒေသတွင် စက်တင်ဘာလမှ ဒီဇင်ဘာလထိ စိုက်ပျိုးနိုင်၍ တောင်ပေါ်ဒေသတွင် တစ်နှစ်ပတ်လုံး စိုက်ပျိုးနိုင်သည်။
ပျိုးထောင်ခြင်း
(၁၀ x ၂.၅)ပေ၊ ဘောင် ကို ပေါက်ပြားဖြင့် မြေဆိုင်ခဲကလေးများရစေရန် ပြုပြင်ပေးရ၏။ မြေများစွာညက်လျှင် ရေလောင်းသောအခါ ကြပ်သိပ်သွားနိုင်သောကြောင့် လေ၀င်လေထွက်မကောင်းဘဲ အညှောင့်ပေါက်မှု ညံ့လာ၏။ ပျိုးတစ်ဘောင်လျှင် မျိုးးစေ့အောင် စ၀က် ခန့်လိုပါသည်။ ပျိုးဘောင် ပေါ်တွင် မျိုးစေ့ကြဲရန် (၂) လက်မခြား မြောင်းများဆွဲပြီး မျိုးစေ့ကို ညီညာစွာချ၍ အပေါ်မှနွားချေး ဆွေးမှုန့်ပါးပါး ဖုံးအုပ်ပေးပါ။ ထို့နောက် စင်းပြီးကောက်ရိုးခြောက်များ ပါးလွှာစွာ ထပ်မံဖုံးအုပ်ပေးကာ ရေရွှဲရွှဲ လောင်းပေးရမည်။ ဘောင်ပေါ်တွင် တစ်တောင်ဖြင့် သက်ကယ် မိုးပေးရသည်။ (၃ – ၄) ရက် ကြာလျှင် အညှောင့်ပေါက်လာမည်။ (၁၂) ရက်ခန့်ကြာလျှင် တန်းကြား၊ မြေဆွ ပေါင်းရှင်းခြင်းပြုလုပ်ပေးရသည်။ ပျိုးသက် (၂၀) ရက်ရလျှင် မြေသြဇာကို တစ်ဘောင်လျှင် ယူရီးယား (၅) အောင်စနှုန်းဖြင့် ရေဖျော်ပြီး ဖျန်းပေးပါသည်။ ထို့နောက်ရေ၀သည့်တိုင် လောင်ပေးရသည်။
ပျိုးနှုတ်ခြင်း
စိုက်ခင်းသို့ ပြောင်းရွှေ့စိုက်ပါက ညနေ (၃) နာရီခန့်တွင် ပျိုးပင်များကို အမြစ်မနာအောင်နှုတ်ပြီး ပြောင်းရွှေ့စိုက်ပျိုးသင့်သည်။ အကယ်၍ ပျိုးနှုတ်နေစဉ် မိုးရွာပါက အမြစ်များကို ငှက်ပျောရွက်ဖြင့်ထုပ်ပြီးအမြစ်ခြောက်မသွားစေရန် အမှောင်ခန်းထဲတွင် ရေစိမ်ထားရသည်။ မိုးတိတ်မှ စိုက်ရမည်။ ထို့ကြောင့် ပျိုးနှုတ်မလောရန် သတိ်ိထားရသည်။
စိုက်ခင်းမြေပြုပြင်ခြင်း
ပျိုးဘောင်ပြုလုပ်ချိန်ကတည်းက စိုက်ခင်းကို ထယ်(၂) စပ်၊ ထွန် (၃) စပ် ၀င်၍ မြေပြုပြင်ထားရမည်။ ပေါင်းမြက်များပြောင်သည့်တိုင် ကောက်ယူပြီး ကြမ်းတုံးရိုက်ထားရမည်။ ထို့နောက်မိမိအလိုရှိသော အကွာအဝေးအတိုင်း ကြောင်းဆွဲခြင်း၊ ပေါက်ပြားဖြင့် မြေပြန်ဆွခြင်းတို့ကို ပြုလုပ်ပေးရပါသည်။
မြေသြဇာ ကျွေးခြင်း
ပန်းဂေါ်ဖီစိမ်းပင်၏ အမြစ်သည် မြေအောက်သို့များစွာမဆင်းသော အပင်မျိုးဖြစ်၍ အာဟာရဓာတ်များစွာ စားသုံးပါသည်။ ထို့ကြောင့် မြေသြဇာကို အောက်ပါတိုင်း တစ်ဧကစံနှုန်းထား၍ အသုံးပြုသင့်ပါသည်။
ပထမအကြိမ် – ရွှေ့ပြောင်းစိုက်ပျိုးပြီး (၇-၁၀) ရက် ခန့်အကြာ
ဒုတိယအကြိမ် – ပထမအကြိမ်ထည့်ပြီး (၁၀)ရက်ခန့်အကြာ
တတိယအကြိမ် – ရွှေ့စိုက်ပြီး (၁) လ ခန့်အကြာ။
ရွှေ့ပြောင်း စိုက်ပျိုးခြင်း
ပျိုးသက် (၂၅ -၃၀) ရက်ရလျှင် (သို့မဟုတ်) အရွက် (၄-၅) ရွက်ထွက်လျှင် ပြောင်းရွှေ့စိုက်ပျိုးနိုင်ပါသည်။ စိုက်ပျိုးချိန်မှာ ညနေ (၃) နာရီနောက်ပိုင်းဖြစ်သင့်ပါသည်။ တူရွင်းဖြင့် ကျင်းတူးပြီး ကျင်းထဲရေလောင်းပေးရပါမည်။ ၄င်းကို ရေခံသည်ဟု ခေါ်ပါသည်။ ပျိုးပင်ကို နှုတ်ပြီး ၄င်းကျင်းထဲသို့ တည့်မတ်စွာချ၍ အမြစ်ကို မြေတွင်ဖိကပ်ပြီး အပေါ်မှ မြေဖုံးပေးရသည်။ သေသောအပင်များကို (၄-၅) ရက်အတွင်း ပြန်ဖြည့်ပေးရမည်။ ထိုထက်နောက်ကျလျှင် မူလအပင်ကို မမီတော့ပေ။ ရွှေ့စိုက်ပြီး တစ်လသားအထိ ပုရစ်ဖျက်ဆီးမှုကို ဂရုစိုက်ရမည်။
အပင်နှင့် အတန်းအကွာအဝေး
တစ်ပင်နှင့် တစ်ပင် ( ၁ ၁/၂ -၂) ပေခြား၊ တစ်တန်း နှင့် တစ်တန်း ( ၂” – ၂ ၁/၂) ပေခွဲကြားထားပြီး စိုက်နိုင်ပါသည်။ ရွှေ့စိုက်ပြီး ( ၁၀ – ၁၅) ရက်ရလျှင် ခါးရစ်ခြင်း၊ ခါးဆွခြင်းကို ပြုလုပ်ပေးရသည်။
အပင်ပြုစုခြင်း
ဂေါ်ဖီစိမ်းပင်သည် အမြစ်မြေအောက်သို့များစွာမသွားဘဲ အများအားဖြင့် ( ၁ ၁/၂ – ၂) ပေမှ အမြစ်များက အစာရေစာ စားသုံးပါသည်။ ထို့ကြောင့် ကြားနက်နက်လိုက်ရန် မလိုပေ။ မြေသြဇာများထည့်ပေးပြီးတိုင်းကြားပေါင်းလိုက်ခြင်းဖြင့် ဓာတ်မြေသြဇာနှင့် မြေသား သမသွားစေပါသည်။ ရေကို (၁) ပတ် (သို့မဟုတ်) (၂) ပတ် လျှင် တစ်ကြိမ်ကျသွင်းပေးရန် လိုအပ်ပါသည်။
ရွှေ့စိုက်ပြီး (၃၀)ရက်အကြာတွင် တစ်ကြိမ်၊ (၄၅) ရက် အကြာတွင် တစ်ကြိမ်ဘေးတက်ဖဲ့ခြင်းဖြင့် ထိပ်ပိုင်းရှိ အပွင့်ကြီးထွားမှုကို အနှောက်အယှက် မဖြစ်စေပါ။ ထိပ်ဖူးစတင်ချိန်တွင်မူ ထွက်ရှိနေသော ဘေးတက်များကို မဖဲ့ရပါ။ ၄င်းတို့ကို ဆက်လက်ထားရှိခြင်းဖြင့် ထိပ်ပိုင်းရှိ ပန်းပွင့် ဆွတ်ခူးပြီး (၂) ပတ်ခန့်အကြာတွင် ဘေးတက်များမှ ပန်းပွင့်များကို ဆွတ်ခူးနိုင်သည်။ ရာသီဥတု အေးမြ၍ မြေဆီ ထက်သန်သော မြေများတွင် ဘေးတက်မှ ထွင်လာသော ပန်းပွင့်သည် ထိပ်ပိုင်းမှ ပွင့်သော ပန်းပွင့်နီးပါးကြီးနိုင်၍ တစ်ပင်လျှင် ဘေး တက် (၂၀) ခန့် ထွက်ရှိနိုင်သည်။ ဘေးတက်များသည် အပင်အသက်ရှင်နေစဉ်ကာလ၌ စဉ်ဆက်မပြတ် ထွက်ပေါ်နိုင်သည်။
ဆွတ်ခူးခြင်း
အဖူးတင်းမာနေသောအချိန်၊ မပွင့်မီအချိန်တွင် ရိတ်သ်ိမ်းနိုင်သည်။ သက်တမ်းလိုက်၍ ရိတ်သိမ်းနိုင်သည်။ သက်တမ်း လိုက်၍ ရွှေ့ စိုက်ပြီး ( ၂ – ၂ ၁/၂) လခွဲကြာလျှင် ပန်းပွင့်ကို စတင် ခုတ်နိုင်ပါသည်။ အဝေးသို့တင်ပို့လိုပါက အရွက် ( ၂ -၃) ရွက်ချန်ထား၍ ခုတ်ရပါ သည်။ အချိန်မီ မခုတ်ပါက ပန်းပွင့်အရောင်ပြောင်းသွားပြီး ပန်းပွင့်ရိုးတံများထွက်လာတတ်ပါသည်။ ပန်းပွင့်ရိုးတံကို (၄) လက်မခန့် အရှည်ထားပြီး ပလပ်စတစ်ဖြင့် တစ်ပွင့်လုံးအုပ်လိုက်ခြင်းဖြင့် ကြာရှည်ခံနိုင်သည်။ တစ်ဧကလျှင် ပန်းဂေါ်ဖီစိမ်းမျိုးလိုက်၍ တန်ချိန် ( ၅-၈) တန် ထွက်နိုင်ပါသည်။
စိုက်ပျိုးသုတ ပစ္စယ (Pissaya Info)
The post ပန်းဂေါ်ဖီစိမ်းစိုက်ပျိုးနည်း appeared first on Myanmar Farmers' Portal.